Some get up at four o'clock
And others up at five
They whiles gee ane anither a knock
But it's who's tae be first they strive.

The time draws near for getting doon
They start to count the tow
Sae to the pit mooth they geather roon
Wi' lamps aburnin on their browe

Jock Blank he tries tae cheet a ben
Then there's a row tae be share
For Jock wantin doon afore the men
He was ahint comin' up the stair.

And when they're doon below the gates
The spark of humanity seems fled
They forget when up aboon they are mates
And are fed on the same daily bread.

The young and supple at the lye are first
Then in comes the older men
Some young ane t' be share is cursed
For rinnin away wa an auld man's ben.

This I may say is a very mean theft
Though din withoot thinking I am share.
They never think hoo mony they have left
Without butter for their breed that is bare.

There is a golden rule Brothers
So don't let it look so untrue
But do to others as you would others 
Would do unto you.

In this world we have awe to work hard
And thir's no much time to think
So you'll just have to excuse an amateur bard
For using the paper and ink.

You'll ken I am no a Longfellow
Nor yet a Rabbie Burns
But just a common miner fellow
Whae wick and tally burns.

Other copies show that it should be:
Under the tune of "Deil Tak the Heind Most"
and subtitled:
A 13 years old boy's experience in the mines in 1899